Ang Kuwento Namin
Landlord muna kami.
Sa ngayon, 10 units na ang meron kami, at may 6 pang parating. Alam namin kung gaano kahirap patakbuhin ang bawat isa.
Bilang landlord, ang hirap ay walang automation. Mano-mano ang kuwenta ng bills, nasa notebook o chat ang listahan ng bayad, at isa-isa mong pinapaalalahanan ang bawat tenant.
Sa tenant naman, ang hirap ay kulang sa linaw. May singil na walang breakdown. May bayad na hindi sigurado kung na-record.
Nagkataon na nasa tech din kami. Naghanap kami ng isang app na aayos sa dalawang panig, pero wala kaming nakita. Kaya kami na lang ang gumawa.
Misyon
Gawing simple at patas ang pag-manage ng paupahan, para sa lahat.
Ginawa namin ito para sa maliliit na landlord. 'Yung OFW na may isang condo unit dito sa Pinas. 'Yung pamilyang nagpapaupa ng ilang kuwarto. 'Yung may day job at tatlong tenant na gusto lang malaman kung sino na ang nagbayad at sino ang hindi pa.
Trabaho naming bigyan ka ng tools para ma-manage ang paupahan mo nang walang kalituhan, walang mano-manong spreadsheet, at walang awkward na "nakabayad ka na ba?" na usapan. At siguraduhing malinaw at may respeto ang trato sa mga tenant mo, gaya ng gusto mo kung ikaw ang nangungupahan.
"Kaya sa lahat ng bagay, gawin ninyo sa iba ang gusto ninyong gawin nila sa inyo."
Mateo 7:12
Bisyon
Isang rental industry sa Pilipinas na nakatayo sa tiwala, hindi sa kalituhan.
Sa ngayon, ang daming landlord at tenant ang nagkakasiraan dahil sa malabong singil, nakalimutang paalala, o walang record. Nagugulat ang tenant. Pakiramdam ng landlord, hindi siya nirerespeto. Hindi naman kailangang ganito.
Gusto naming maging app na tutulong sa mga Pinoy landlord na patakbuhin nang maayos ang paupahan nila. Bawat singil may paliwanag, bawat bayad naka-record, at alam ng bawat tenant kung ano ang status niya.
"Ang mapagkakatiwalaan sa kaunti ay mapagkakatiwalaan din sa marami."
Lucas 16:10
Ang Pinaninindigan Namin
Limang bagay na hindi namin binibitawan.
Ang Pangako Namin
Ito ang puwede mong asahan sa amin.
- →Hindi namin hahayaang maramdaman ng tenant mo na hinahabol siya. Pinapaalalahanan lang.
- →Lagi naming gagawing malinaw ang singil para walang pagtatalo kung magkano ang utang.
- →Bawat feature na ginagawa namin ay nagsisimula sa isang tanong: mas mapapadali ba nito ang buhay ng landlord o ng tenant?
- →Lagi kaming may libreng plan. Pangako 'yan, hindi trial.
- →Patuloy kaming mag-i-improve, at makikinig kami kapag may hindi gumagana.